المساعد الشخصي الرقمي

مشاهدة النسخة كاملة : قصيده منقوله للشاعر فالح عبدالله البريكان العجوني


ابن عجوين
07-15-2015, 09:21 PM
pm
المسافه نص عمري والمحبه راس مال = وانتهى المشوار فيك وجيت بالدرب احتريك
وقمت انادي يوم طيفك مرّ ... ياعمري تعال = وانتهيت الوم نفسي .. واعتبك.. واشره عليك
كنت اكذّب كل واقع فيك واصدّق خيال = صرت ماسوا شي غير اني محبه مستويك
وطول مشواري عجزت القا جواب. !! اتفه سؤال= يوم اعرف اني مااهمك... ليش انا مهتم فيك؟
ارفعك لاعلى مكانه والبسك مثل العقال = تاج راسي.. الا راسي كان لاجلك افتديك
احترم حتى بأمانه من ملابسك الضلال = واحترم حتى مكان(ن) ياصله ممكن وحيك
كنت حبي كنت كلي كنت .. احبك في اهبال = كنت عمري والحياه اعيشها ... فيك واليك
وبعد بانت لي خطاويك الخطا فوق الرمال = مالزمك انك تجيه الا عذرته مايجيك
ماقدرت تصون قدري فيك .. مبلي ..منك .. ذال = بعتني عشرين مره وذنبي اني مشتريك
معك عشت اقشر زمان وذكريات اسواء ليال = ماتوقعت اني احبك وانت تذبحني بيديك
تدري ان اكبر مصيبه... تقهر قلوب الرجال = لاكتشف بان بحبيبه شاركه باخر شريك
يعتبرها اكبر من العدوان في ساحة اقتال = مدرك انه لو تدارك موقفه ماصبح دريك
روح ياولهان طف الشوق عند ابن الحلال = ياعسى اللي تعشقه يكرهك كره ومايبيك
صرت في عيني قبيح الشكل من بعد الجمال = ومستحيل تصون عشره دام ربك مبتليك
شعر / فالح البريكان

ابو يوسف
07-15-2015, 09:28 PM
ماشاء الله قصيدة جزله من شاعر جزل وشكرا على النقل الرائع يابن عجوين

ابو رهف
07-15-2015, 09:29 PM
صح بوحگ قصيده رائعه والشاعر فالح دائما مايبهرنا بقصيده الرائعه احسنت ابن عجوين ع هذه المشاركة الجميله واتمنى لكم التوفيق . متابع بصمت 🔕

اصيل عبس
10-23-2015, 07:55 PM
مشكوور يابن عجوين ع النقل

ماجد البويدي
10-27-2015, 06:15 PM
صح السان الشاعر فالح
ويعطيك العافيه اخي ابن عجون
على نقل ولاهنت