من بغى القرب ما تعذر بالظروف
ومن بغى البعد ما نمسك يديه !

لو شـح وقتي ماتموت المبادي
عزّة حصير ولا مهانه على زل
.

رد: بيت شعر تردده اذا ضاق صدرك
 

اشوم عن مجلس الحقران والهذره
....................ابوي مبطي عن الهذرات وصاني*

والوقت مايامن الرجال من غدره
.............والراس ماينحني كان الله أحياني

رد: بيت شعر تردده اذا ضاق صدرك
 

آلنوم فيني يشبه " هموم صدري "
لآجيت آنومهم صحوآ .. وآبلشوني
بس كيف آنومني آنآ كيف مدري
يصلح آنآم آن كنت فآتح عيوني

رد: بيت شعر تردده اذا ضاق صدرك
 

كم خذا الوقت منّا لكن الله عطانا
قوّ عزم وصلابة راس .. منّا والينا

لا تجرّب زعلنا .. لا زعلنا ترانا :
نعرف اللي لنا مانعرف اللي علينا

رد: بيت شعر تردده اذا ضاق صدرك
 

يحدني وقتي على الناس والناس .
ماتدري اني فالقسى ماتذرا.

والله لو ان الوقت به ذرة احساس .
ماشفتني على الطريق اتحرى.

رد: بيت شعر تردده اذا ضاق صدرك
 

مليت ازرع طيب واحصد عداوات
راع الوفا كن البشر ،،،،، مايبونه

دنيا بها الطيب غدى مثل الاموات
ماينذكر واليا انذكر ،،،، يجحدونه

رد: بيت شعر تردده اذا ضاق صدرك
 

أنا من الجيل القديم
اللي يحبّون النقا
قبل الجمال الظاهري !

رد: بيت شعر تردده اذا ضاق صدرك
 

جعلني عون لربعي إليا طال الطريق
وجعلني بالعزم والصبر محظوظ وقوي

وجعلني قدام لا أموت ما زعِّل صديق
وجعلني مارد محتاج ولا أفشل خوي

رد: بيت شعر تردده اذا ضاق صدرك
 

ناسٍ ،
ليا من طحت لفّاضة انفاس

و ناسٍ ،
طواري طيحتك .. تحتريها !