منتديات الكفة لقبائل بنى رشيد

منتديات الكفة لقبائل بنى رشيد (http://www.alkfh.net/vb/index.php)
-   منتدى قصائد شعراء الكفه (http://www.alkfh.net/vb/forumdisplay.php?f=35)
-   -   😎الجوء هادي (http://www.alkfh.net/vb/showthread.php?t=2006)

حكيم القوافي 12-16-2015 08:56 AM

😎الجوء هادي
 
مشاركه الرجو ان تحوز على رضى الجميع
خاصه اللي يحبون الطلعات البريه
🌹🌹🌹🌹🌹🌹🌹🌹

اركب على اللي ماعرضناه للبيع
ولا فتح بابه لشريطي يسومي

gxr ماخصص لشركات تجميع
ماخصصوا مصنعه لكل العمومي

ورد من اليابان جوده وتصنيع
مصممه خبير فطس الخشومي

ريموته يشغل بروس الاصابيع
يبعد عن الضايق جميع الهمومي

فيه الثمن سقته ولالي مطاميع
ابيه تحت امري اليا جاء لزومي

ابي اليادقت باراسي رواميع
ادق سلفه في براد وسمومي

اب التمشى بالديار المرابيع
اللي سقاها مدلهم الوسومي

شعاع برقه بالسماء له تلاميع
فلاشات أمن الطرق وقت الهجومي

وعشبه اليا ناشه نسيم الذعاذيع
كنّه صفوف السامري يوم تومي

وروس الزبيدي في فياضه مصاليع
وجول القطاء يروج فوق الحزومي

والجوء هادي جوء كشتة مطاليع
والشمس تطلع بين سحب وغيومي

والنار تشعم والسوالف توابيع
ولكل يدلي في جديد العلومي

وبالليل نسمر والقصايد قراطيع
تحت القمر وملومعات النجومي

حكيم القوافي 12-16-2015 09:06 AM

😘من طرف واحد
 

تدري ويش اللي يزعج القلب ويغثه
كان الغلا والحب جاء من طرف واحد

وحبك يجي عبر القنوات وتبثه
سهران من اجله وهو داري وراقد

ماجد البويدي 12-16-2015 12:20 PM


والنار تشعم والسوالف توابيع
ولكل يدلي في جديد العلومي
وبالليل نسمر والقصايد قراطيع
تحت القمر وملومعات النجومي
صح السانك ويعطيك العافيه على نقل

بندر القلادي 12-17-2015 09:23 AM

صح لسانك ياحكيم القوافي

سلطان القلادي 12-17-2015 09:43 AM

جزل كل ماهو بقلمك
وتكللت حروفك ب الجمال
سعدنا بروعة بوحك وبنتظار جديدك

ابو يوسف 12-17-2015 01:13 PM

الى الامام ياحكيم القوافي شاعر غني عن التعريف

ابن عجوين 12-17-2015 01:15 PM

الابداع قليله بحقك والله فوق الابداع الا الامام استمر
اعجبتني هالابيات

اصيل عبس 12-19-2015 07:25 PM

صح لسانك
قصيدة رائعة

اصيل عبس 12-19-2015 07:25 PM

صح لسانك
قصيدة رائعة

حكيم القوافي 12-23-2015 10:41 AM

رد: 😎الجوء هادي
 
صح بدنك يا بندر القلادي


الساعة الآن 01:40 AM

Powered by vBulletin® - MWQE.COM
HêĽм √ 3.1 BY: ! ωαнαм ! © 2010