منتديات الكفة لقبائل بنى رشيد

منتديات الكفة لقبائل بنى رشيد (http://www.alkfh.net/vb/index.php)
-   منتدى همس القوافي للشعر النبطي (http://www.alkfh.net/vb/forumdisplay.php?f=17)
-   -   طرايف من علوم الابل .. كلمات الشيخ فهد بن حيي (http://www.alkfh.net/vb/showthread.php?t=6966)

بدر المصيبيح 09-24-2016 04:27 PM

طرايف من علوم الابل .. كلمات الشيخ فهد بن حيي
 
طرايف من علوم البل

مواصفات التحدي فيك ياجيبي**لامن عرق النفود وعثعثه باني

قدام هنف الخشوم وشمخ النيبي**وضحً تشوق النظرغالية الاثماني

كلً يغني بها حرش العراقيبي**يقول فيها القصيد وزين الالحاني

الي مجاميعها تملا المحاليبي**ليا عطفت بالربيع وقتها زاني

من اولاً يوم دور الفطر الشيبي**ولي على اكوارهن شبن وشيباني

ياماحدوهن على حام اللواهيبي**بين الطمع والخطر في ماض الأزماني

واليوم جت بالذهب غال المطاليبي**لاهي رفايد ولاجت هدو مجاني

لن المراجل ودربه مابها عيبي**سيرة رجالاً لهم بالمجد عنواني

ولانتقي عند لزمات المواجيبي**واهل الحساني نجازيهم بالاحساني

ودنياك هذي مفرقت الاصاحيبي**دايم تذكرك وين فلان وفلاني

ياماخذت من رجالاً تفعل الطيبي**ونطاحت القوم مقدية الاضعاني


كلمات
الشيخ/فهد حيي المصيبيح الرشيدي

بندر القلادي 09-24-2016 07:59 PM

رد: طرايف من علوم الابل .. كلمات الشيخ فهد بن حيي
 
بيض الله وجهك ووجه الشيخ والشاعر فهد بن حيي

بدر المصيبيح 09-25-2016 01:27 PM

رد: طرايف من علوم الابل .. كلمات الشيخ فهد بن حيي
 
و وجهك ابيض وشرفنا بزيارة عند الابل يا بندر القلادي

يبطون ماوصلوا مواصيل قدري 11-18-2016 09:42 PM

رد: طرايف من علوم الابل .. كلمات الشيخ فهد بن حيي
 
صح لسانه..ولاهنت اخوي ع النقل..


الساعة الآن 11:26 AM

Powered by vBulletin® - MWQE.COM
HêĽм √ 3.1 BY: ! ωαнαм ! © 2010