عرض مشاركة واحدة
قديم 06-19-2015, 10:22 AM   #1
شاعرة


الصورة الرمزية الماجده
الماجده غير متواجد حالياً

بيانات اضافيه [ + ]
 رقم العضوية : 46
 تاريخ التسجيل :  Jun 2015
 أخر زيارة : 07-26-2015 (11:50 AM)
 المشاركات : 9 [ + ]
 التقييم :  10
لوني المفضل : Cadetblue
افتراضي الزمان اليوم ( مخاطبة الزمن )





يازمان اليوم واحوالك بيوم
تقتلب بالوقت وبساعة ركاده

كل صبحٍ في نهارك به علوم
والمساء لا غاب مانعرف عتاده

للتفائل والأمل عندي رسوم
وابتسامات الزمن تلقى سعاده

جالدة نفسي على حد السلوم
من زمن عمري عطيته للقياده

تضحيه بالنفس والعالم تحوم
نعطي الضحكه ولا ناخذ زياده

قلبي المطعون من حد السهوم
والكرامه بالزمن ماله سياده

الحضوض ارزاق ماتعطى قسوم
لانعثر ه الحض يعطينا النكاده

وانعثر حضي على حد الحلوم
والحلوم اللي تراودني طراده

رسمةٍ كانت بفكري كل يوم
بالطفوله ما حسبنا له قراده

لين طحنا طيحةٍ عيت تقوم
بالصبر والحلم شدينا شداده

تهجع العالم وانا عدّ النجوم
واتقلب والفكر زاد اجتهاده

والليالي والسهر ويا الهموم
والهجوس الحايمه للفكر قاده

واتعوذ من شياطيني واقوم
واتوضاء واركع لربي عباده

وارفع الكفين والدمعه تحوم
تغرق الخدين لا هلت عناده

يالله المعبود يالرّب الرحوم
تغفر الزلات مانطلب زياده

والذنوب كثار ولاني بمعصوم
وللنفس رغبات ندحرها بجلاده

عوّدت نفسي عن الطيحه اشوم
واتعزوا بالصبر والصبر عاده

الماجده


 


رد مع اقتباس